Milla Viljamaa på Hesthamar

Finske Milla Viljamaa har invitert med seg nye, norske kjennskap til Hesthamar. Milla Viljamaa vert rekna som ein pionér innan harmoniummusikk. Som musikar, komponist og produsent er ho kjend for sin kreativitet innan både folkemusikk, tango, rock, pop, kammermusikk, teater, opera, ballett og filmproduksjon. Amalie Kinsarvik Tvilde er blant dei fremste utøvarane i den nye generasjonen av norske folkemusikarar, og har hevda seg godt på ulike kappleikar. For songar Julie Kleive er musikken kjenslene, refleksjonane og språket ho møter verda med. Frå små og store augeblikk gjennom livet, kjem ord og tonar som ein umiddelbar respons - det kjem songar. For fyrste gong spelar dei tre i lag.