Kork kammer - Dansk aften

Adresse

1 Bjørnstjerne Bjørnsons plass,
0340 Oslo

Kork kammer - Dansk aften

Beskrivelse

Konsertmeister Jon Gjesme med musikarar frå Kork Niels W. Gade: Strykeoktett Meir dansk kammermusikk. Detaljar kunngjerast snart. Jon Gjesme er konsertmeister i Kork, men berre halve tida. Han er og konsertmeister i Sjælland symfoniorkester, også kalla Copenhagen Phil. Der har Gjesme vore i mange år, og han har blitt godt kjend med dansk musikk i mange formar. No tar han med seg eit verk av ein av dei viktigaste danske komponistane. Niels Wilhelm Gade (1817-1890) blir rekna som ein pioner i det danske musikklivet. Han var ein hylla komponist og dirigent, ven med både Schumann og Mendelssohn, og han skulle og bli ein viktig inspirasjon for Edvard Grieg. Københavnaren grunnla og det framleis vel akta musikkonservatoriet i byen. Oktetten for åtte strykarar skal spelast i Store studio, så vidt vi veit, for første gong. Gade komponerte det herlege og sprudlande verket i 1848, og ein må vel tru at han fekk inspirasjon frå strykeoktetten til hans gode ven Felix Mendelssohn. Det skal bli meir dansk kammermusikk på konserten. Du får snart vite kva, men det blir garantert «dejlig» å vere publikum i Store studio denne kvelden.