Opningskonsert 2024 - Vivaldi frå Valdres

Address

Geirangervegen 80,
Geiranger

Opningskonsert 2024 - Vivaldi frå Valdres

Description

Ragnhild Hemsing og “Vivaldi frå Valdres” I historiske Geiranger kyrkje framfører Ragnhild Hemsing sitt nyaste prosjekt: Vivaldis «Fire årstider» i den norske folkemusikkens toneverden. Ho meiner at hardingfela er Norges barokkinstrument, og vil her synleggjere likskapane mellom Vivaldis barokke melodiar og norsk folkemusikk. Fiolinisten og hardingfelespelaren er årets festivalprofil under Festspela i Geiranger 2024, og ho har fleire oppdrag under årets festspel. Med seg har ho 7 musikarar frå Barokkanerne, leia av Jadran Duncumb. I tillegg til «Fire årstider» i nye arrangement, vil programmet innehalde tradisjonelle folketonar frå Valdres og ein ny fantasi av Agnes Pettersen. Vivaldi på hardingfele På åpningskonserten under Festspela i Geiranger får Vivaldi ei uventa oppfrisking når Ragnhild Hemsing framfører «Fire årstider» på hardingfele. Verket vert filtrert gjennom folkemusikktradisjonen frå Valdres, i samarbeid med Barokkanerne. Vi gler oss til å oppleve dette musikalske eksperimentet. Ragnhild Hemsing er kjend for å smelte saman folkemusikk og klassisk musikk på ein frisk og moderne måte. Ho byrja å spele fiolin som femåring, og debuterte som fjortenåring med Bergen filharmoniske orkester. Ho er også kunstnarisk leiar for Hemsingfestivalen i Valdres, saman med søstera Eldbjørg. Internasjonal popularitet Ragnhild Hemsing har etablert seg som ein ettertrakta artist internasjonalt, med opptredenar på kjende arenaer som Wigmore Hall i London, Verbier Festival i Sveits, og AlpenKlassik i Tyskland. Ho har vore solist med store orkester som Staatskapelle Weimar og NDR Radiophilharmonie Hannover. Ho har vunne fleire prisar, inkludert Beethoven-ringen ved Beethovenfest i Bonn i 2013, og ho har vore gjest på Nobel Peace Prize Concert Hemsing sin unike kombinasjon av norsk folkemusikk og klassisk musikk har gjort ho til ein populær artist på både nasjonale og internasjonale scener, kjend for sine energiske og lidenskapelege framføringar som fengslar publikum verda over.