Velkomen inn til oss hjå Små Vesen! Me rydder plass på lageret og ber inn til ei konsertoppleving blant øltankar og lagerreolar, heilt utanom det vanlege. Du vil få smake på fleire av våre produkt, og få servert nokre skrøner og litt skjemt frå bryggarane Espen og Kristian. Dette blir intimt og godt – ein retteleg flott lagerfest!

Hemsingfestivalen står for musikken denne  festkvelden:

Thibaut Garcia (gitar)

Jadran Duncumb (lutt)

Adrien la Marca (bratsj) 

Ragnhild Hemsing (fiolin og hardingfele).

Hemsingfestivalen blir arrangert årleg i Aurdal, ei lita fjellbygd i Valdres med 700 innbyggjarar og stolte kulturtradisjonar. Her henta Edvard Grieg og Knut Hamsun inspirasjon i den vakre naturen, og Frydenlund Skysstasjon vart ein viktig møteplass for kunstnarar frå heile Noreg.

Musikarsystrene Ragnhild og Eldbjørg Hemsing vaks opp i bygda, og dei vart tidleg introduserte for både klassisk musikk og folkemusikk. I dag er dei begge internasjonalt etterspurde kunstnarar med heile verda som arbeidsplass. Systrene har stor glede av å formidle musikkens magiske kraft og djupn til publikum, noko som inspirerte dei til å etablere sin eigen internasjonale kammermusikkfestival i heimbygda. Ynsket er å overføre eigen kompetanse til miljøet dei vaks opp i, og med det syne korleis musikk kan prege eit samfunn og skape identitet og tilhøyrsel.

Klassisk musikk i Norge

21. Feb

19:00 | 2025

Hemsingfestivalen

Små Vesen

Aurdal

Ølsmaking, skjemt og musikk hjå Små Vesen

Thibaut Garcia

Jadran Duncumb

Adrien la Marca

Ragnhild Hemsing