Ein trompetist i verdsklasse bles i gong festivalveka ved flygelet i kultursalen.

Musikkfesten er veldig glade for at trompetisten Tine Thing Helseth kjem tilbake til Gloppen for å halde konsert i Trivselshagen - saman med superpianist Gunnar Flagstad. Tine har gjennom ei allereie lang internasjonal karriere spelt verda over. Ho har vunne titals prisar og utmerkingar, og har ei rekke plateinnspelingar bak seg. Ho behersker eit breitt repertoar, frå det klassiske til samtidsmusikken og jazzen.

Gloppen Musikkfest starta i 2003 som ei foreining og eit treff mellom gode musikarvener. I 2008 vart Stiftinga Gloppen Musikkfest etablert. I 2013 - på den ellevte festivalen - feira vi ti-årsjubileum. Med festivalen i 2022 og anna aktivitet gjennom året ladar vi opp til 20-årsjubileum neste år.

Gjennom åra har GMF som organisasjon endra seg mykje – men kjernen er den same: Musikkfesten har som mål å skape eit aktivt kunst- og kulturmiljø på høgt kunstnarleg nivå - ikkje berre i Gloppen, men i heile fylket. Den kunstnarlege visjonen har vore nedfelt i vedtektene våre sidan oppstart i 2003. Frå 2013 har GMF gjort grep og fått viktig støtte frå mellom anna fylkeskommunen, Kulturrådet og Gloppen kommune i arbeidet med å verta ein klassisk musikkfestival for heile fylket.

Dei siste åra har vi og lagt vekt på å skipe til konsertar og anna gjennom året, m.a. med satsinga på unge klassiske utøvarar frå fylket - dei siste to åra med STARTGROPA.

2. Sep

17:00 | 2025

Gloppen musikkfest

Trivselshagen

Sandane

Tine Thing Helseth & Gunnar Flagstad