Kork kammer – Ung i sinnet

Adresse

1 Bjørnstjerne Bjørnsons plass,
0340 Oslo

Kork kammer – Ung i sinnet

Beskrivelse

Eva Szabado, fløyte Janina Kronberger, Annar Follesø og Daniel Goldin, fiolin Nora Taksdal og Iris Maidre Aarvik, bratsj Ernst Simon Glaser og Sverre Barratt-Due, cello mfl. Wolfgang Amadeus Mozart: Fløytekvartett i C-dur Claude Debussy: Strykekvartett Leoš Janáček: Mládi (Ungdom) Denne kammerkonserten er med ei fin rad av strykarar og treblåsarar frå Kork. Vår nye solofløytist Eva Szabado er i aksjon i ein av fløytekvartettane til Mozart. Alltid sjarmerande og alltid genialt. Mange vil nok si at Debussy òg trefte planken i sitt einaste forsøk på ein strykekvartett. Debussy, om lag 30 år, skulle snart forlate dei velbrukte klassiske formane. Her skriv han innanfor formen som Haydn skapte over hundre år tidlegare, men mest av alt er det noko umiskjenneleg fransk over det heile. Debussy snakkar til heile sanseapparatet, det kling og duftar, og det er som Debussy måler eit bilete, som skifter farger og form undervegs. Til slutt kanskje ein ny favoritt? Leoš Janáček er komponisten mange ikkje veit at de elskar. Musikken hans, frå opera og orkester til piano- og kammermusikk er full av fantasi, og særeigne klangar, ofte med ein tsjekkisk folketonefarge. Mládi, som betyr ungdom, blei til i året komponisten blei 70 år (1924). Alderen hindrar ikkje Janáček i å la fantasien springe og hoppe ungdommeleg fritt, mellom munter og muntrare. Keisamt blir det aldri, ikkje minst korleis blåsarane i Kork får bryne seg på melodiar og rytmar.