I august 2025 gjekk den tiande og siste Rosendal Kammermusikkfestival av stabelen. Samarbeidet med Leif Ove Andsnes held likevel fram, frå og med 2026 vil han vere kunstnarisk rådgjevar for ein ny klassisk konsertserie, Klassisk helg, ved Baroniet Rosendal.

Konsertserien skal ta vare på den musikalske arven frå festivalen, men i ein ny og meir konsentrert form – to helgar i sommarhalvåret, med høgt kunstnarisk nivå og ei tydeleg tematisk ramme.

Klassisk helg - Baroniet Rosendal

Torleif Thedéen er ein av Nordens fremste cellistar og har gjennom fleire tiår hatt ei omfattande internasjonal karriere som solist og kammermusikar. Marianna Shirinyan er rekna som ein av Europas mest etterspurde pianistar, kjend for virtuost spel og stor musikalsk sensitivitet.

Denne kvelden spelar dei verk av mellom andre Dmitri Shostakovich, Samuel Barber og Richard Strauss.

Velkommen til konsert med Torleif Thedéen og Marianna Shirinyan!

Den svenske cellisten Torleif Thedéen er rekna som ein av Nordens fremste instrumentalistar og har ei omfattande internasjonal karriere som solist, kammermusikar, plateartist og pedagog. Han har vunne fleire internasjonale cellokonkurransar, mellom anna Pablo Casals International Cello Competition. Thedéen er Visiting Professor ved Royal College of Music i London og professor ved Norges musikkhøgskole.

Gjennom meir enn førti år har han spela med leiande orkester og samarbeidd med dirigentar som Esa-Pekka Salonen, Paavo Järvi og Osmo Vänskä. Som kammermusikar har han opptredd på scener som Wigmore Hall og Carnegie Hall, og ved festivalar som Prague Spring og Verbier Festival.

Innspelingane hans har fått ei rekkje prisar, mellom anna Edison Award for Quartet for the End of Time av Olivier Messiaen.

Thedéen spelar på ein cello frå 1783 av Giovanni Battista Guadagnini, utlånt frå Dextra Musica. Instrumentet har tidlegare tilhøyrt Mstislav Rostropovich.

I denne konserten spelar han saman med pianisten Marianna Shirinyan.

Den dansk-armenske pianisten Marianna Shirinyan blir rekna som ein av Europas mest kreative og etterspurde pianistar i dag. Ho er aktiv både som solist og kammermusikar, og er kjend for virtuost spel, klangleg nyanse og stor musikalsk sensitivitet.

Ho har motteke fleire utmerkingar, mellom anna P2 Prisen frå Danmarks Radio, Kritikarprisen frå Danske Musikcritikere og Carl Nielsen Prisen. Ho er ein etterspurd gjest ved internasjonale festivalar som Schleswig-Holstein Musik Festival og Festspillene i Bergen.

Som solist har ho spela med orkester som Symphonieorchester des Bayerischen Rundfunks, Oslo-Filharmonien og Göteborgs Symfoniker, og samarbeidd med dirigentar som Lawrence Foster og Thomas Søndergård.

Shirinyan har òg ei omfattande og kritikarrost diskografi. Ho er professor ved Det Kongelige Danske Musikkonservatorium og gjesteprofessor ved Norges musikkhøgskole. I sesongen 2025–2026 er ho «Artist in Residence» hos Aarhus Symfoniorkester.

Program:

Musikk av bl a Sjostakovitsj, Barber og Richard Strauss.

16. Aug

17:00

Klassisk helg - Baroniet Rosendal

Nerhuslåven

Rosendal

Klassisk Helg: Torleif Thedéen og Marianna Shirinyan

Thorleif Thedéen

Marianna Shirinyan

Klassisk helg - Baroniet Rosendal

16. Aug

17:00

Nerhuslåven

Rosendal

Norges fremste nyhetsbrev om klassisk musikk

Kontakt