Holly og Rakh 2 i Store studio

Address

Bjørnstjerne Bjørnsons plass 1,
0340 Oslo

Holly og Rakh 2 i Store studio

Description

Holly Choe, dirigent Nikola Meeuwsen, piano Emilie Mayer: Faust Overture Sergej Rakhmaninov: Ungdomssymfoni Sergej Rakhmaninov: Pianokonsert nr. 2 Holly Choes siste konsert for sesongen, og med ein knallavslutning i Store studio. Rosinen i pølsa må jo vere ein av dei mest populære pianokonsertar som finst. I tillegg til å vera ganske vilt virtuos, er Rakhmaninovs konsert nr. 2 eit overflodshorn av vakre melodiar og passasjar til å drøyme seg bort i. Solisten er den unge, nederlandske pianisten Nikola Meeuwsen, fersk vinnar av den prestisjetunge Queen Elisabeth-konkurransen i 2025. Pianokonsert nr. 2 var det første store verket Rakhmaninov skreiv etter ei katastrofal framføring av hans Symfoni nr. 1. Etter dette gjekk han gjennom ein djup depresjon, men med god hjelp av ein god ven (dr. Nikolai Dahl) kom han seg gjennom og pianokonserten blei ei stor suksess. Vi høyrer meir til pianokonsertane enn symfoniane til Rakhmaninov, men sjeldnare enn det, er det å høyre Ungdomssymfonien hans. Det finst berre ein sats, og den skreiv det unge geniet då han var 18 år. Det var sjefdirigenten som ønskte å presentere symfonien for Kork-publikummet, og ho tar inn nok eit «førstegongsstykke» av den tyske komponisten som blei kalla den «kvinnelege Beethoven». Emilie Mayer skreiv åtte symfoniar og var svært anerkjend i samtida, men som så ofte før, gløymd av ettertida. Faust-ouverturen var ein suksess i 1876, og kanskje òg i Store studio i 150 år etter?